“პროექტის განთავსება” ღილაკზე დაჭერით, შეგიძლიათ აღწეროთ თქვენი იურიდიული საჭიროება, მიუთითოთ ლოკაცია, სპეციალიზაცია და ენა, რომლის შესაბამის იურისტსაც ეძებთ და დაელოდოთ ჩვენს გუნდს, რათა გადახედოს თქვენ მიერ მითითებულ ინფორმაციას და საჭიროების შემთხვევაში დააზუსტოს დეტალები თქვენთან ერთად.

დამკვეთის მიერ მითითებული ლოკაციის, სპეციალიზაციისა და ენების მიხედვით, ჩვენი ბაზიდან ალგორითმი გაფილტრავს შესაბამის იურისტებს, რომლებსაც დაეგზავნებათ ინფორმაცია აღნიშნული დავალების შესახებ, დამკვეთის ვინაობისა და დავალებაში მითითებული პერსონალური ინფორმაციის ანონიმურობის დაცვით. აღნიშნული იურისტები, საჭიროების შემთხვევაში, კომენტარების ველში დასვამენ დამაზუსტებელ შეკითხვებს დამკვეთისთვის და დავალების მიღებიდან 24 საათის განმავლობაში განათავსებენ საკუთარ საფასო შეთავაზებას.

დავალების იურისტებისთვის დაგზავნიდან 24 საათის გასვლის შემდეგ, ალგორითმი გაცხრილავს საფასო შეთავაზებიდან ე.წ. აუთლაიერებს და დარჩენილებიდან ამოარჩევს საუკეთესო რეიტინგისა და, ამავდროულად, ყველაზე დაბალი ფასის წარმდგენ იურისტებს, რომელთაგან ტოპ სამის შესახებ ინფორმაციას გაუგზავნის დამკვეთს, პერსონალური ინფორმაციის ანონიმურობის დაცვით. დამკვეთი კი 5 დღის ვადაში შეარჩევს სასურველს ამ სამი იურისტიდან.